|
Одличен производ, навистина се изненадив колку лесно се префрил од англиската верзија на македонската, без многу да се „чудам“ на јазикот.
Сепак, имам некои мали забелешки, кои ги воочив во првите денови на користењето.
во Outlook Express, под Датотека, има две чудни опции: „Зачувај како секретер“ и под „Создај нова порака“ исто така има опции „Избери секретер“ и „Без секретер“. Мислам дека терминот секретер е несреќно избран. Посоодветно би било да стои зборот образец.
Освен ова, постајат и два термина кои се користат во македонскиот, но се непотребни странцизми. Тоа се зборовите „конверзација“, под Порака во Оutlook Express, и зборот Комплетирано, под Статус, кога се испраќаат и примаат пораките во Outlook. Посоодветно е да се користат македонските зборови „разговор“ и „завршено“ или „извршено“.
|